جیہڑے گھر دے گھڑے تریڑے جاندے نیں

جیہڑے گھر دے گھڑے تریڑے جاندے نیں
پیاسے پنچھی کدّ اس ویہڑے جاندے نیں

رانجھن دے کس کار تپسّیا عمراں دی
ہیر ویاہن دے لئی کھیڑے جاندے نیں

سانوں ملے نا سدّا اوہدی محفل دا
اوس محفل وچّ خورے کیہڑے جاندے نیں

نیویں نیویں کرداراں لئی دنیا وچّ
اُچے اُچے ساک سہیڑے جاندے نیں

لیڈر لمیاں کاراں دے وچّ نسّ جاندے
مقتل ولّے لوک مریڑے جاندے نیں

ساکاداری رہ گئی قدسی دولت دی
نونہاں دے نالوں ماس نکھیڑے جاندے نیں