جی کردا اے دھوکا تیرے نال کراں
ایپر چہرہ کس دا استعمال کراں ؟
ہنجُواں دے موتی یا ہیرے زخماں دے
سجناں دی خدمت وچّ کی ارسال کراں
جہناں دی لو میری قسمت ورگی اے
اوہ دیوے کی محفل دے وچّ بال کراں
تیری یاد دے بال گواچے بھیڑاں وچّ
ہُن قسمت میں تیرا استقبال کراں
سارے اوس ول اَڈّیاں چُکّ چُکّ ویہندے نیں
میں کلّا نہیں جو اس دا اقبال کراں
پیسے دی تھاں کھیسا بھریا غزلاں نال
اپنے بچیاں دا کی ہور خیال کراں
درد سمیٹ کے آکھیا میرے خالق نیں
آ ہُن قدسی تینوں مالا مال کراں
