مُونہہ دا ذائقہ کوڑا کوڑا کھیسے ساڈے سکھنے

مُونہہ دا ذائقہ کوڑا کوڑا کھیسے ساڈے سکھنے
اساں غریباں نویں بہار دے میوے کادھے چکھنے ؟

بھاگاں والی دھرتے دے پُتّ سڑیاں بھاگاں والے
ساری عمر مشقت کردے پھیر بھڑولے سکھنے

گُھپّ ہنیرے اندر کیہڑا ودھ کے دیوے بالے
روشنیاں نوں ترس گئے نے ایہہ اکھیاں دے رکھنے

ساڈے جسم دا ننگ لکاوندی دُھوڑ مشقت والی
اسیں نے اپنے جُثے کادھے سانبھ سمبھال کے رکھنے

لمّیاں لمّیاں کاراں دے وچ بیٹھیاں دِسّن ڈیناں
ننگے پیریں کولے چُگدے قدسی جسم سُلکھنے