سجن جی اسیں کملے ہوئے ساڈے اتے چار چفیرے بھکھاں تھڑاں دے ایداں حملے ہوئے سجن جی اسیں کملے ہوئے سجن جی نہ پچھو ساتھوں کداں بیتی کیہ دسیے کیوں شربت دی تھاں مٹی گھول کے پیتی سکھ دی بازی جتن لئی پر اساں ہوں ہاں نہ کیتی اسیں تے غم دی بارش دے وچ لون دے گملے ہوئے اسیں کملے ہوئے سجن جی سانوں پوہ دے وچ وی آوندی رہی تریلی غم دی سیونک نے کھوکھلی کیتی اے جسے دی گیلی تھڑاں دی دھیلی گہنے پالئی ساڈی عمر حویلی قد نیویں ہو گئے پر ساہ دے اُچے شملے ہوئے سجن جی! اسیں کملے ہوئے سجن جی ! غم دے کلر دی ریکھاں اتے اج سفیدی ہوئی ساڈی واج دی سنگھ دی ولگن دے وچ قیدی ہوئی ساڈے لئی تہمت ورگی وا سمے دی ہوئی اج ڈگ ڈگ پئے کل دے سنبھلے ہوئے
