نندنا دے کنارے

نندنا دے کنارے
کالے چِٹے پہاڑ وِچ
بہوں نِکڑا جیہا
ہِک ریلوے سٹیشن اے
جھلار
گڈی رُک ویندی اے، اِتھاں
اکثر ایویں کراس پاروں، نچِنت
ویکھو، کھبے
نِکڑی جیہی پگڈنڈی اے
دریا دے کِنارے، پہاڑ دے نال نال
ٹپر دے ونجو
کیویں پانی اے لاہو، تیز
پانی نہیں، ایہہ شیشہ اے
بہوں رنگ رنگیلڑا
ویکھو اندر پانی دے، درخت
جنڈ دے، پھلاہی دے
جنگلی زیتون دے
جُھمریں پَیندے

ٹُردے پھر دے دوویں اساں
ایویں چڑھ بیٹھے اچیت
جنڈ دے درخت اُتے
ہِک دُوجے دے وجود وچ
کھِڈارویں

بالاں وانگوں ابڑبھاندے
اساں دوویں نس پئے، اکٹھے
کِھڑکِھڑ ہسدیاں
کیویں تیرا ڈوپٹہ اُڈا، پکھی وانگوں
تیز ہوا وِچ
نندنا دے پانیاں اُتے، چھیکڑ لتھا
آنند نال

ویکھو
نندنا دے پانیاں اُتے، ٹہکدا
پُھل گلاب دا، بہوں چِر تائیں

دِتّی اے کُوک گڈّی نے
جاون دی
ہِکو لِنگی
بھجو ہُن، اسٹیشن دِھر