ملاقات

بوتل چوں ول کھاندی نکلی اک شعلہ مٹیار
مخمل رنگے وال سی اوہدے ہوٹھ سی پُھل انار
گل سی دیوے شب قدر دے،اکھیاں چھلکنہار
دند سی اوہدے تسبیح کوئی گردن سی خمدار
ٹُردا پھردا بُت گُلابی سجدے کرن ہزار
رنگو رنگی رنگ سی چڑھدے اوہدے تکدیاں سار
صبح اوہدے آکھیاں سونوے رات ہوئے بیدار
میرے نام خزاواں ساریاں اوہدے نام بہار
چُپ سی اوہدی خالص دیپک بول سی خاص ملہار
پُچھن لگی آپاں رہے آں کدے تے واقف کار
میں نِگر جیہا سونا کوئی توں کوئی سُنیار
چُپ کیتا بس سُنی گیا میں او جادو گُفتار
پیار تیرے نال کیتا سی میں ٹُٹ کے کیتا پیار
میں کہیا کوئی موڑ نہیں سکیا ویلے دی رفتار
چُپ کرکے گھر اپنے ٹُرجا رونا اے بیکار

حوالہ: اک دروازہ؛ سانجھ؛ صفحہ 81 ( ویکھو )