تاریخ لکھو تے ایہہ وی لکھنا

تاریخ لکھو تے ایہہ وی لکھنا
جدوں تساں جام بنا کے
کنجریاں دے نال سُتے پئے سو
اساں تھلاں چوں نہراں کڈھدے پئے ساں

تاریخ لکھو تے ایہہ وی لکھنا
جدوں تساں زہر وچھا کے
خوش ہو رہے سو
اساں زمین چ نرگس گڈ دے پئے ساں

تاریخ لکھو تے ایہہ وی لکھنا
جدوں رقص کرا کے
ویلاں دیندے پئے سو
اساں گمنام شہیداں والے نوحے پڑھدے پئے ساں

تاریخ لکھو تے ایہہ وی لکھنا
جدوں تساں کھسریاں وانگوں نس رہے سو
اساں محاذ تے لڑ دے پئے ساں

افضل راجپوت دی ہور شاعری

• ⟩  اوہ
• ⟩  اک نار
• ⟩  اک کوڑی آس ملن دی
• ⟩  اک ہور گلاس بناو
• ⟩  اگ
• ⟩  تاریخ لکھو تے ایہہ وی لکھنا
• ⟩  تیرے نالوں تیرا درد بڑا سوہنا اے
• ⟩  خواب تے ساتھ
• ⟩  خوش بخت
• ⟩  دکھ ایہہ ہے
• ⟩  افضل راجپوت دی ساری شاعری