جے توں مرزا ہُندوں

جے توں مرزا ہُندوں رانجھیا
تے میں تتڑی زہر نہ پھکدی
ساڈے پیار دی سانجھی پینگ نُوں
بھیڑی موت وی توڑ نہ سَکدی
تیری کَڑی کمان دے مان تے
وے میں کیدو، قاضی ڈکدی
تُوں کھیڑیاں نُوں بیبا سِجدوں
میں سیالاں نال نَجِٹھدی

تُوں بھانبڑ بن کے مَچدوں
میں ہنیری بن کے جُھلدی
میں ویکھدی میرے ہتھ دی
گنڈ کسے توں کیویں کُھلدی

جے توں مرزا ہُندوں رانجھیا
وے میں خَورے کِیہ کُجھ کر دی
نہ توں بِن آئیوں مردوں
نہ میں بِن آئیوں مر دی​

حوالہ: ترنجن ( ویکھو )