دھرتی سپنے ویکھ رہی سی کل صحرا دے وانگوں

دھرتی سپنے ویکھ رہی سی کلھ صحرا دے وانگوں
چار چفیرے ہسیا کوئی اجّ دریا دے وانگوں

وگدے پانی دے متھے 'اُتے سورج ٹکا لایا
رُتّ نے زخماں اُتے رکھے ہتھ دوا دے وانگوں

ہریالی دی چنُی اُتے خوشبو اکھر پائے
لنگھ گیا اے کولوں کوئی تیز ہوا دے وانگوں

اپنی اپنی بولی دے وچ پنچھی گلاں کردے
نویں سویر دے بُلھاں اتے حرف دعا دے وانگوں

چرکھے دی گُھوکر دے اُتے لوک دھمالاں پاؤندے
وچّ ترنجناں کڑیاں ہسیاں نوِیں کپاہ دے وانگوں