میرا کل

تہاڈے سوہنے اجّ دے نالوں میرا کوہجا کل ہے چنگا
سارے چاچے بابے رل کے سارے پیو پتراں کول بہہ کے

اکّ چنگیر توں روٹی کھاندے کٹھے رل کمائی کردے
آپو دھاپی کدی نا کردے میرے کل وچ شے سانجھی

نا کوئی تیری میری ہیسی نا کدی کوئی پیا پواڑا
نا کدی کوئی وؤہٹی رُسدی نہ کدی کوئی وِٹریا لاڑا

میرا کل کِناں چنگا سی کچیاں کندھاں کچے کوٹھے
پیار نوں پکا کر دیندے سن اکّ دوجے دے دکھڑے لوکی

آپو دے وچ ونڈ لیندے سن تہاڈے اجّ وچ شے وکھری
پتر پیو دے کول نا بہندا بھرا بھرا توں مکھڑا موڑے

آ شے میری آ شے میری ہر کوئی اکّ دُوجے نوں کہندا
روٹی توں پئے ہُورے مارن ڈنگراں وانگوں کھوہ کھوہ کھاون

اکّ دوجے نوں پئے لتاڑن تہاڈے سوہنے اجّ دے نالوں
میرا کوہجا کل چنگا سی میرا کوہجا کل چنگا سی

مینوں جے کجھ دے سکدے او میرا کل پرتا دیو مینوں
مینوں جے کجھ دے سکدے او میرا کل پرتا دیو مینوں