روز میں جینا روز میں مرنا تیرے لئی

روز میں جینا روز میں مرنا تیرے لئی
اتھرواں دی سنگت کرنا تیرے لئی

خورے بھلّ کے توں خاباں وچ آ جاویں
ساری رات میں ہوکے بھرنا تیرے لئی

اک ہاسے دی گلّ نوں توڑ چڑھاون لئی
روز میں سوچ دی سولی چڑھنا تیرے لئی

ویلے دی اکھّ اندر اکھّ تے پا سکنا
گلیاں دے ککھاں توں ڈرنا تیرے لئی

سبھنیں پاسے نفرت ویر پئے پلدے نے
احسان دی گلّ فیر وی کرنا تیرے لئی

حوالہ: پیلو پکیاں نی؛