ساڈیاں اکھاں دے وچ ہنجو
ساڈیاں متھے اتے
بھکھ تے بیماری دیاں لیکاں
ساڈے مونہہ وچ
دبیاں ہویاں غم دیاں چیکاں
ساڈے پیراں دے وچ چھالے
ساڈے کنبدیاں بلہاں اتے
جبر دے ہاسے، ساڈا بھجا جثہ
ساڈے گل وچ پاٹیاں لیراں
لُک لُک روون
ساڈیاں سوہنیاں سسیاں، ہیراں
پر اوہناں دا حال نہ پچھن آوے کوئی
ساڈے مرزے ، پنل، رانجھے
لنگے لولے، ساڈے چار چوفیرے
مجبوری دے گھپ ہنیرے
اسیں کٹھےہو نئیں سکدے
اسیں تے کجھ وی کر نئیں سکدے
جی نئیں سکدے مر نئیں سکدے
اسیں آں خورے چوتھی دنیا دے وسنیک
