کی دساں میں کیہڑی کیہڑی سروں مصیبت ٹالی اے

کی دساں میں کیہڑی کیہڑی سروں مصیبت ٹالی اے
پنجھی ورھے کماندیاں گزرے پھیر وی جھولی خالی اے

اندروں تے سبھ مرے ہوئے نے اُتوں اُتوں ہسدے نے
ہر اک مکھڑا لُٹیا لُٹیا ہر اک اکھ سوالی اے

جیہڑا وی زورآور آکے باغ اُجاڑا پاؤندا اے
لوکی ڈردے آکھن اُسنوں ساڈے باغ دا مالی اے

جس دا گھر ہے لٹیا جاندا سکھ دی نیندر سوندا نئیں
مورکھ پھیر وی جشن مناون آکھن ہمت عالی اے

اکبر جیہڑے رُکھ دے تھلّے بہہ کے اؤنسیاں پاؤناں ایں
ایہدے اک اک پتر اُتے سو سو نقش خیالی اے