جیون صحرا وچّ نہ لبھیا، سانوں سایہ کوئی وی

جیون صحرا وچّ نہ لبھیا، سانوں سایہ کوئی وی
اوکھا پندھ حیاتی دا تے، نال نہ آیا کوئی وی

بے شک اس دے دل دی دھرتی، بنجر کھیتی ورگی اے
جس بندے نے پیار دا بوٹا، نہ سی لایا کوئی وی

پیار بھرے دو بول تے اک نماں جیہا ہاسہ الفت دا
ساڈے لئی تاں اس توں ودھ کے نہیں سرمایہ کوئی وی

غیراں نے تے پیار وی دِتا، عزت وی اپنائت وی
سجناں توں دُکھ دِتے ساڈا، پیار نہ پایا کوئی وی

جد توں لفظ محبت میری سمجھ وچ آیا اے ہالہ
لگدا ای نہیں مینوں تے ہُن شخص پرایا کوئی وی