کون نہیں چاہے گا
اپنے دلداراں دی محفل 'چ بیٹھ
کشمیری چاہ دیاں چسکیاں لینا
بریکھت دیاں کویتاواں پڑھنیاں
تے کویتا نوں زندگی تے زندگی نوں کویتا
بناؤن بارے سوچنا…
کون نہیں چاہے گا
کسے آدواسی کڑی دے ہتھوں مہوئے دی شراب پینی
لور 'چ اپنی پہلی محبت
جاں من پسند رنگاں دیاں گلاں کرنیاں
جاں اس سادی جیہی سچائی بارے
کہ طوائف اکھاں 'چ وی ہنجھو ہُندے نے
تے ایہناں ہنجھواں دا رشتہ
زمین اتے کمبدے پوٹیا نال پئے
پورنیا جیہا ہندا ہے…
کون نہیں چاہے گا
سائیکل تے لمی واٹ
ٹٹی سلیٹ جیہے بچپن
تے 'لوہے دے تھن' جیہی زندگی بارے گلاں کرنا
بس ہس چھڈنا
تے واٹ دا چھوٹے ہُندے جانا…
کون نہیں چاہے گا
اوہناں گھڑیاں اتے فائر کرنے
جو ساڈا نہیں
وقت دے ونجاریاں دا سماں دسدیاں ہن…
کون نہیں چاہیگا
رکے پانیاں جیہی ساڈی ایہہ زندگانی
بن جائے پھر ساگر دیاں چھلاں
کون نہیں چاہے گا؟
