سِکھر دپہرے ، ساہمنی ہوا وچّ سائیکل چلاؤندیاں
تسیں محسوس کردے ہو، سڑک جویں کالی دلدل ہے
جس وچّ کھبھدا ہی جا رہے، تہاڈا سائیکل
سائیکل چلاؤندیاں
تسیں لکھ لکھ شکر کردے او
تہاڈی قیمت اک سکوٹر جماں پیٹرول الاؤنس نہیں پئی
جاں سینکڑے اخباراں دی ردی دے برابر تسیں تُلے نہیں
سائیکل چلاؤندیاں
تسیں کامریڈ ودیا رتن نوں یاد کردے او
جو کمیونسٹ پارٹی دی سٹیج تے سائیکل بارے لکھی
لمبی کوتا سناؤندا ہندا سی
اوہدے دوویں ہتھ نہیں سن
ہن تاں مدت ہو گئی ودیا رتن بارے وی کجھ سنیاں
تے اچانک کھُہسر کے لنگھی کار نوں
تسیں گاہل کڈھ سکدے او
طبقاتی نفرت دے تیوہار وجوں
سائیکل چلاؤندیاں، تسیں محسوس کردے ہو تسیں اکلے نہیں ہو
اس پیاری مات بھومی دے دو کروڑ سائیکل سوار تہاڈے نال ہن
فیکٹریاں دے مزدور، دفتراں دے کلرک بادشاہ
پھیریاں والے، سکولاں کالجاں دے پاڑھے
ہور تاں ہور سائکل چور وی
سائیکل چلاؤندیاں، تسیں جماعتی نفرت ہور تیز کردے او
سائیکل چلاؤندیاں، تسیں اگانھ ودھو ہندے او
پونجیواد دے اس انتم دور وچّ
سائیکل چلاؤندیاں، تسی سوچدے او
پیدل لوک تہاڈے بارے کی سوچدے ہونگے
