سانبھ کے رکھی چیز

سانبھ کے رکھی چیز نوں دیکھ لگدا ہے کہ میں
ہاں کہ میرا وی کوئی ہے
سانبھ کے رکھی چیز مینوں چیتے کراؤندی ہے کہ توں
نہیں ایں، تیرا تاں کوئی نہیں
سانبھ کے رکھی چیز مینوں سناؤت کردی ہے
توں سانبھ کے رکھن والی چیز نہیں
تیرا پکا سرنامہ کوئی نہیں
سانبھ کے رکھی چیز میری چھاتی 'تے پیا مناں مُونہیں بھار ہے
سانبھ کے رکھی چیز کدے نہ مُکن والا ترلا ہے
نہ بُھلن دا
سانبھ کے رکھی چیز سمجھاؤندی ہے -- میرے ولّ دیکھ، سبھ
کجھ ایتھے رہ جانا ہے
سانبھ کے رکھی چیز سمیں دی کُکھّ وچ پئی ہے مڑ جمن
دی اڈیک کردی
سانبھ کے رکھی چیز ویہندے پانی 'چ پیا پتھر ہے
سانبھ کے رکھی چیز کسے دی گواچی ہوئی چیز ہے
سانبھ کے رکھی چیز کسے دی سُٹی ہوئی چیز ہے
سانبھ کے رکھی چیز کسے توں وچھڑی ہوئی چیز ہے
سانبھ کے رکھی چیز دیکھ میں سوچدا ہاں --
ایہہ سانبھ کے رکھن والی چیز نہیں، پر پھیر
وی سامبھی رکھدا ہاں
سانبھ کے رکھی چیز کدے وی کم نہیں آؤندی، پر
ہندی کم دی ہے
سانبھ کے رکھی چیز کدے نہیں ملدی