اج سینے ٹھنڈاں پا لے توں
بس دل وچ یار وسا لے توں
نہ توڑ توں دل دیاں تانگاں نوں
فِر کُھل کے پیار جتا لے توں
بُھل سارے رشتے ناتے نوں
ہُن یار دی مندری پالے توں
تو دھو کے دل دا ہر کھونجا
بس اپنا یار سجا لے توں
جے چاہویں نیڑا سجناں دا
فر اپنا آپ گوا لے توں
کر پاسے دنیا داری نوں
گل اپنے یار نوں لالے توں
کر حاصل یار امان تے فِر
ایہہ عشق دی منزل پا لے توں
حوالہ: مُکر گئیاں نیں چھانواں، الرزاق پبلی کیشنز لاہور؛ صفحہ