میریئے دھیے

تیرے ہاسے وچ گھگیاں دے گیت وسدے
دُھماں تیریاں نیں مینوں سارے میت دسدے

تیری جگ وچ کوئی نہ مثال بن دی
تیرے اگّے آوے چن کیہ مجال چن دی

رکھ شوخیاں نوں سانبھ کے نی من موہنیے
لگ لوکاں دیاں نظراں نہ جان سوہنیے

بُلاں تیریاں چ کِنّی بھری کھنڈ اڑیے
میرے سینے دی ایں توں مٹھی ٹھنڈ اڑیے

اک پل دی جدائی تیری اینویں وڈھدی
کوئی تکھی جہی چُھری جیویں ساہ کڈھدی

سارے جگ توں انوکھا تیرا میرا پیار نی
جدوں ڈیڈی نوں بلاویں لگے ٹھنڈ ٹھار نی