وساکھی

دیس میرا پنجاب نی ہور وَسّے کُل جہان
گبھرُو میرے دیس دا بانکا چَھیل جوان
ہل پنجابی ایس دی دیوے کھیت کھلار
محنت ایس جوان دی سونا دے پسار
کھیت جو گوڈے کھیت جو بیجے لَے بوہل ہُن لا
چیت چڑھندے رُتاں پِھریاں نویں رُت دا چا

بیلیا نویں رُت دا چا

نڈّھی دیس پنجاب دی ہِیراں وِچوں ہِیر
جیوں کوئی سوہنی مِرگنی جنگل بیلے چِیر
پالے لگی دُھراں دی جِندڑی دیوے گھول
حرف بولدی حق دا مُونہوں دیندی قول
نوِیں کنک دی روٹی لاواں رُگ ملائی دا
بُوری مھینہہ دا دُدھ چواواں شکر دیواں پا

بیلِیا شکر دیواں پَا

دیس میرا پنجاب نی ہور وَسّے کُل جہان
گبھرُو میرے دیس دا بانکا چَھیل جوان
سِر تے چِیرا رانگلا کُڑتا نَواں سوا
موڈھے چادر کھڑکدی میلا لوے مَنا
رُت بسنتی اُتوں ویلا بھری جوانی دا
سال سوہندا چیتر لگیا گئی وساکھی آ

بیلِیا گئی وساکھی آ