خورے غم دی قیمت ودھدی جاندی اے

انجم رانا

خورے غم دی قیمت ودھدی جاندی اے
جگ تے جیہڑی غربت ودھدی جاندی اے

اج کل اپنے آپ توں رُسیا رہنا واں
اج کل سکھ دی صحبت ودھدی جاندی اے

اوہ وی اج کل پاسہ وَٹ کے لنگھدا اے
زخماں دی وی لذت ودھدی جاندی اے

پتھر ساں تے شیشہ کِسراں ہویا واں
میرے اندر حیرت ودھدی جاندی اے

تیز ہوا دے پلو قابو نئیں آندا
انجمؔ دی وی حسرت ودھدی جاندی اے

Read this poem in Roman or ਗੁਰਮੁਖੀ

انجم رانا دی ہور شاعری