اینا اوہدیاں یاداں دا دل وچ گھڑمسّ پیا
میں اکلاپا لبّھن اوہدے ولّ ای نسّ پیا
کیس پچھوکڑ عمرے ناڈی رُتے پُھلّ کِھڑے
کیس خزائیں رُتے لگراں اندر رس پیا
کِسراں اوہنوں ایہ سمجھاواں سُن کے اوہدا دکھّ
جے میں رونا چاہندا سی تے کاہنوں ہسّ پیا
جے میرے ہتھّ وس ہووے تے اوہنوں جان نا دیواں
ایویں مڑ مڑ سوچی جاواں میں بے بس پیا
چھاتی تے سر رکھ کے اس نے بُکّ بُکّ ہنجھو کیرے
تِسی رُوہی اُتے انجم بدّل وسّ پیا
