اپنی سنگت دے نِگھّ اندر دو دن ہاسا کرکے

اپنی سنگت دے نِگھّ اندر دو دن ہاسا کرکے
توں وی سانوں چھڈّ جانا ایں ہور اداسا کرکے

اوہ ویلا وی آؤنیں پر اوہ ویلا کدی نا آوے
لنگھن کرناں جد اک دوجے کولوں پاسا کرکے

کچی اُڈنی اُڈن دے اس شوق نے اوکھا کیتا
بھنّ لئے اپنے کھمبھ ہواواں تے بھرواسا کرکے

نالے بھرم گوایا اپنا نالے مان وی ٹُٹا
لبھیا کی اوس تھوڑ دلے دے اگے کاسا کرکے

میں گرجھاں دے کولوں اپنا آپ بچاکے انجم
چڑیاں اگے پا دتا اے ماسا ماسا کرکے