اتھرے تے بےرحمے گھوڑے دوڑ رہے نیں

انجم سلیمی

اتھرے تے بے رحمے گھوڑے دوڑ رہے نیں سڑ گئے سبھے خیمے، گھوڑے دوڑ رہے نیں تانگیاں دے وچ جُت کے،کتھے برداں جوگے ایویں تیرا وہم اے، گھوڑے دوڑ رہے نیں چھینٹے والا دور کھلوتا گُھوریاں وٹے اگے لگّ کے سہمے گھوڑے دوڑ رہے نیں تیرے ہتھ وچ واگ اے، کاٹھی پا سکنا ایں حالے تیرا ٹیم اے، گھوڑے دوڑ رہے نیں اکو لیکھے بدھے وکھّ وکھّ ناواں والے جگو، پھتو، رحمے، گھوڑے دوڑ رہے نیں

Share on: Facebook or Twitter
Read this poem in: Roman or Gurmukhi

انجم سلیمی دی ہور شاعری