کسے نے ساڈی بات نا پچھی، کسے نہ درد پچھاتے
دردی نہیں جے اکّ دوجے دے کاہدے رشتے ناتے
کس چاء پچھے ٹر پئے خالی پھڑ کے واء دی انگلی
کس امیدے چھڈّ آئے ساں ویہڑے بھرے بھراتے
نا اوپر اسمان اساڈا نا تھلے کوئی دھرتی
اساں تے بھائیا مڈھّ قدیموں بے اصلے بے ذاتے
پور پور وچ سِمدی جاوے، اجّ بے سُفنی نیندر
کس کمّ آئے سامبھ کے رکھے ورھیاں دے جگراتے
شہر دیاں خالی سڑکاں تے 'انجم' کلّم کلّا
نا پھریا کر لا لا کے خوشبواں رات براتے
