وؤ وؤ وؤ
مالکا وؤ وؤ وؤ
توں سانوں دُر دُر آکھیں
اسیں پھیر وی کہیے وؤ
مالکا وؤ وؤ وؤ
دولت تیری دشمن ہے
پر تینوں سجن جاپے
دولت تیرے بیوی بچے
دولت تیرے ماپے
تیرے مونہہ نوں لگیا
تیرے آپنیاں دا لہو
مالکا وؤ وؤ وؤ
کسے نے تیرے ویہڑے پیر نہیں پاؤنا
سدّے گھلیاں
تینوں تیری مغروری نے
کر چھڈیا اے کلّیاں
ایہو تیرے چالے رہے تے
کیہڑا ایتھے رہو
مالکا وؤ وؤ وؤ
تینوں تیرا رزق مبارک
ہُن نئیں کھانا جُوٹھا
ایسے لئی تے بھنّ دتا اے
اساں وی آپنا ٹُھوٹھا
جیہڑا تینوں دیندا اے، اوہ
سانوں وی تے دوُؤ
مالکا وؤ وؤ وؤ
