کہن دے زُلفاں دا قِصّہ کہن دے
بہن دے کُجھ دیر چھانویں بہن دے
کُجھ نہ کُجھ پردہ وی ہَٹّی والیا
رہن دے مومی لفافہ رہن دے
جَھٹ دا جَھٹ بہنائے دُراڈے جاونائے
بہن دے سانُوں وی لاگے بہن دے
تُوں جے خوشبوواں دے پینڈے پَے گیائیں
کھہن دے کَنڈیاں نُوں راہیا کھہن دے
دِل نے ہتھوں ٹُر جانا سی ٹُرگیائے
رہن دے انور دلِیلاں رہن دے
حوالہ: ہُن کی کرئیے، انور مسعود؛ دوست پبلی کیشنز اسلام آباد؛ صفحہ 40 ( ویکھو )
