حیاتی
ایہہ کمّیں،ایہہ پنڈ دا پٗتر
ایہندے وکھرے چالے
پاٹا جَھگا ننگ تریڑیں
چِھجی، پاٹی ٹور
اوکھے اُمھے موڑ
تانگھ دا رستہ دُھوڑ
مرناجینا کٗوڑ
بال ایانے کُھدو کھیڈن
دُور کھلوتا تَکّے
دوجے جدن سپارے پڑھدے
ایہہ چووے، ایہہ ڈھکے
کُوڑا ہُنجے، جِھڑکاں کھاوے
ایہنوں اللہ رکھے
سَوں جاوے تاں چن نال کھیڈے
امبر دے میدانے
چڑیاں چوہک جگاون، اس نوں اللہ دے کھسمانے
ویلے گُنجھل انج دی گھتی
انتر کیہڑا جانے
