اپنی سوچ اُدھیڑ کے نویاں فکراں وٹدا جاریا سی
کسے پُرانی چدّر وانگوں آپے پھٹدا جاریا سی
تَکو تَکدیاں اِک اِک کرکے ساریاں کِرناں بُجھ گئیاں
اِنج لگدا سی جِویں ہنیرا چانن چُٹ دا جاریا سی
پَیراں دے وچ تھل نے تتّی ریت نوں بھانبڑ لا دِتّا
سِر دے اُتّوں بدّل دا ٹوٹا وی ہٹدا جاریا سی
جِیویں اس نوں لَبھن لئی وی کسے نے پِچھے آنا سی
اپنے پِچھے کَنگنی دا اک چھٹا سَٹ دا جاریا سی
پہلے روگ نے پُھل مُکھڑے نوں پُونی ورگا کر دِتّا
اوہ کیہو جیئا چن سی جیہڑا چڑھ کے گھٹدا جاریا سی
