کدی ہووے تے، کوئی انسان دیکھاں
اپنے شوق دا ایہہ سامان دیکھاں
دوجے گھراں نوں جے کر دیکھنے توں
ملے ویہل، تے اپنا مکان دیکھاں
کتھے پجّیا اے سورج سدھراں دا ؟
بدل ہٹن، تے فیر اسمان دیکھاں
مالی لگے نے خورے کم کیہڑے ؟
اجڑے باغاں نوں، ہو حیران، دیکھاں
جیہڑے منزلاں 'تے سانوں لے جاون
کتھے قدماں دے اوہو نشان دیکھاں ؟
کرے عیش کوئی، کوئی مرے بھکھا
سوہنے ربّ دی میں ایہہ شان دیکھاں
کھوٹے کیوں راحیل نے بنے نیتا
ہتھ جنہاں دے وچّ قرآن دیکھاں
