بھاویں لہو وی دینا پے جائے، کرے اجالا کوئی تے
ہور نہیں تے اک ادھا ہی دیوا بالے کوئی تے
ویلے دے فرعون دے اگے، حق دا کلمہ آکھن لئی
ہوٹھاں اُتے چپّ دے لگے، توڑے تالے کوئی تے
دل دی ایس کتاب دے ورقے، کد تکّ خالی رہنے نیں
ایہناں اُتے پیار دے لکھدا، لفظ نرالے کوئی تے
اجّ وی جھوٹھاں دی نگری وچ، لوڑ کسے سقراط دی اے
اجّ وی آپنے ہتھیں پیوے زہر پیالے کوئی تے
جیوندیاں بھاویں سکّ مویا واں، چنّ دے چٹے چانن نوں
پر ہُن آصف چاہناں، قبرے دیوا بالے کوئی تے
