اوہدے کول جواب نہیں اوہ تاں نہیں آؤندا

اوہدے کول جواب نہیں اوہ تاں نہیں آؤندا
اجّ کلّ پھیر بنیرے اُتے کاں نہیں آؤندا

عشق دی راہ تے ٹریا ایں تاں سوچ لویں کِہ
اس راہ اُتے کوئی سکھّ گراں نہیں آؤندا

جیہدے نال میں شہر دے وچ بدنام رہیا
اوہنوں ہالے تیکر میرا ناں نہیں آؤندا

بے فیضا سجن اے اس بدل دے وانگوں
دھپاں وچ وی جیہڑا ونڈن چھاں نہیں آؤندا

ہون نا جیکر آصف تلیاں ہیٹھ انگارے
کجھّ وی کریئے پلکاں ہیٹھ جھناں نہیں آؤندا