ایہہ ہونا سی

اساں عشق دی اگ وچ بلنا سی
اساں کنڈیاں اتے چلنا سی

جو ہویا اے کد ٹلنا سی
اساں وچ ہنیریاں پلنا سی

اساں ہجر دا ڈنگ وی سہنا سی
اساں فیر وی کجھ نہیں کہنا سی

اساں عشق دی بازی ہرنی سی
اساں اپنی موت ای مرنا سی

اساں عشق دی سولی چڑھنا سی
اساں سچ دا کلمہ پڑھنا سی

جو ہویا اے، ایہہ ہونا سی
اساں کلیاں بیٹھ کے رونا سی

ہن دل نوں آصف غم کاہدا
ساڈا دنیا اتے کم کاہدا

کوئی مسجد مندر مل آصف
دنیا دا ورقا تھل آصف