کِسے نوں مِلنا
اک مسئلہ ای نہیں
سگوں کدے تے بالکل نا ممکن جیہا اے
میں جد جھوٹھ دا بانا پا کے
اوہدے اگے آکڑ کے کھلونداں
تے او سچ بن کھلوندا اے
تے مینوں او نیواں دِسدا اے
تے اسیں مِل نہیں سکدے
تے جد میں
سچ بولن تے مجبور ہوندا واں
یا دِلوں سچ بولنا چاہندا آں
تے او جھوٹھ بن جاندا اے
تے میں اوہنوں نیواں دِسدا آں
اسیں مِل نہیں سکدے
جے میں وی جھوٹھ
تے اوہ وی جھوٹھ
تے فیر اِک دوڑ لگدی اے
اسیں اِک دُوجے نوں
اگے لنگھن نہیں دینا
اِنج اسیں روز مِلدے آں
پر مِلدے ناہیں
دو بندیاں دا نِیویں ہو کے
اک دُوجے دے سامنے آ کھلونا
کوئی بیتیا جُگ اے
اساں دوہاں کول
جھوٹھ بولن لئی منطق اے
تے سچ بولن لئی خواہش وی اے
پر اسیں کدے نہیں مِلنا
(سویڈن)
حوالہ: پیار مارکیٹ؛ ( ویکھو )
