اوہ پورے زور تے دعوی نال کہندی اے
مینوں تیرے نال عشق اے
تے اوہ اپنے ایس دعوی نوں سچا ثابت کرن لئی
اوہ روندی اے
راتاں نوں جاگدی اے
میرے کپڑے دھوندی اے
رنگ برنگے چاڑھ کے
میرے اگے دھردی اے
اپنے مشکل نال کمائے پیسے
میرے اُتے خرچ کردی اے
اپنے سجناں دے میہنے سہندی اے
رشتے داراں توں گاہلاں کھاندی اے
اوہدا ایہہ عشق مفت نہیں اے
اوہ ایس عشق کرن دا مُل منگدی اے
کہ میں اوہنوں اپنی کھل
پہنن نوں دے دیواں
حوالہ: پیار مارکیٹ؛ ( ویکھو )
