جوبن

نِج چڑھدے اسیں ایس جوانی
جوبن ساڈا ساڈے لئی بن وَیر گیا
پُرے اسانوں لوئیں لگن
دُھپاں گھتن چھالے
نِمہی نِمہی میہنہ دی کن من
ساڈے اندر بالے لمبو
اسیں انھے سنڈھیاں ہار مریندے
آپنے آپ نوں ٹکراں
جُثے ساڈے ای رت وِچ ڈُبے
آکھو ایہہ جوبن اے؟
تھتھلاندیاں جِیبھاں
کنبدے رعشے مارے ہتھ
زہر بھروڑے ہوٹھ
اسیں کُھرکی تے رولیٹ کتُوریاں وانگوں
سڑکاں اُتے کاؤں کاؤں کریندے وتّدے
آکھو ایہہ جوبن اے؟
نِج چڑھدے اسیں ایس جوانی
جوبن ساڈا ساڈے لئی بن وَیر گیا
نِج چڑھدے اسیں ایس جوانی
اوئے نِج چڑھدے اسیں ایس جوانی