موسم

بِجڑے دے آہلنے وانگوں
تِیلا تِیلا، ریشہ ریشہ کرکے
اپنا آپ جوڑِیندا
اِک اِک ول دے گُنجل نوں
جپھے مارن نوں دِل کردا
ڈاہڈے اوکھے سفر مُسافر جِند دے
تے وت اکھاں تے ساہواں دا اِک لشکر
گھیرا آن گھتیندا۔۔۔۔۔ او میریئے جِندے
ایہہ ساہواں جِیکن کھیہرے تے ویہرے ہوئے وحُوشاں دِیاں
تے نا ڈک سکساں میں اوہ میریئے جِندے
موسم تیرے کِھلرن دے
موسم تے ناں اے
کِھلرن تے جوڑِیجن دے وسباں دا
او میریئے جِندے

بِجڑے دے آہلنے وانگوں
تِیلا تِیلا، ریشہ ریشہ کرکے
آپنا آپ جوڑِیندا