کیہ لگے اس کملے جہے نوں وار تریکاں نال کچی کندھ نوں ڈھاہ چھڈیا اے جہنے لیکاں نال ہنجواں نال سی مَل مَل دھوتا پہلے دل دربار فیر اندر دی کِھلری چُپ نوں ہُجھیا چیکاں نال ناڑاں دیوچ لہو سُکدا اے اکھ چوں کردی ریت نیندر پِچھے رو لیندے نیں خواب اڈیکاں نال پلکاں اتے پیلوں پکیاں چُن چُن کھاوے رات میں آساں دے سُکے ڈِھنگر کنج دھریکاں نال ساہ دے ایس کٹورے وچوں دَسے کون ایوب کسراں جیون پی جاندے نیں لوکی ڈیکاں نال
