آوے وطن پیارا چیتے

منّ لئی جو کردا ربّ پاک اے
آؤندی یاد وطن دی خاک اے
ٹُٹّ فُٹّ ٹکڑے بن گئے دل دے
ہائے ! میں بھجّ گیا وانگوں کِھلّ دے
بھڑتھا بن گئی دیہی اے
وچھڑے یار پیارے، بنی مصیبت کیہی اے ؟

جاندے لوک نگر دے رس بو
پنڈ دی پاؤن پھلاں دی خشبو
ہو گیا جگر پھاڑیو پھاڑی
وڈھدی چکّ چنتا بگھیاڑی
ہڈیاں سِٹیاں چبّ تاں جی
آوے وطن پیارا چیتے، جد کھچّ پاؤن محبتاں جی

سوہنیئے ساہو پنڈ دیئے ویہے
بچپن دے وچ پڑھے بمبیہے
چوری کھوا ماں پاتے رستے
چکّ لئے قلم دواتاں بستے
شیر، نِرنجن مہنگے نے
بُھلدیاں نہ بھرجائیاں، پائیاں گُھمبراں لہنگے نے

پنج پاس کرکے تر گئے موگے
ماپیاں جیوندیاں توں سُکھ بھوگے
پیسے کھا مٹھیائیاں بچدے
ویہندے شہر سڑک پر نچدے
ٹُھمھ ٹُھمھ چکدے پبّ تاں جی
آوے وطن پیارا چیتے، جد کھچّ پاؤن محبتاں جی

کر اینٹرینس پاس سکولوں
اوورسیئر بنیں رسولوں
ضلع پشور نہر وچّ بھرتی
دولت پانی وانگوں ورتی
بہت بہاراں مانیاں
سرخ مخملاں ورگے، پھرن پٹھان پٹھانیاں

بدلے جگراواں کولے 'کھاڑے
ورھدیاں کنیاں روپ دیاں 'تہاڑے
افلاطون ورگیاں عقلاں
گبھرو مٹیاراں پر شکلاں
سوہنی بن گئی چھبّ تاں جی
آوے وطن پیارا چیتے، جد کھچّ پاؤن محبتاں جی

جب جنگ کردے برٹش جرمن
بصرے وگ گیا ماں دا سربن
ملک اوہ کوہاں قافاں توں نیڑے
مارے سبز شہر ولّ گیڑے
وہاں ٹکانے پریاں دے
عجب نظارے دیکھے، ربّ دیاں کاراگریاں دے

مڑ پیا ویکھن پنڈ دیاں گلیاں
پنڈ دیاں مِٹیاں، کھنڈ دیاں ڈلیاں
بانکے گبھرو دل نوں موہنے
بلڈنگ نیویارک توں سوہنے
رہے چوبارے پھبّ تاں جی
آوے وطن پیارا چیتے، جد کھچّ پاؤن محبتاں جی

مُکتسر، ڈھپاں والی، مہاں ودھر
نیتاں صاف، دلاں دے پدھر
لوگ اے اِن نگراں دے داتے
ماگھی نہاؤن تے بوہل لُٹا تے
دانے پیہن مشیناں تے
بچڑے جیون سدا سکھ مانن، بن گیا سُرگ زمیناں تے

خوشیاں کرن دیوان لگاؤندے
سینے وجدے شبد سناؤندے
آؤندے پرچارک تے ڈھاڈی
تڑکے اٹھ کے دھوندے باڈی
شاعر سناؤندے کبتاں جی
آوے وطن پیارا چیتے، جد کھچّ پاؤن محبتاں جی

آ گئے بدل مکتسروں ڈھہہ پئی
باغیں بلبل کرے چہ چہِ پئی
ویکھے کوٹ فرید دُسہرے
ہوون لگدے فیر دوپہرے
توپچی توپ چلاون جی
پاپ کریو نہ، پاپی، ہر سال سڑدا راون جی

آ گئے کیرے بڑی آبادی
چاہاں پی کے گُڈن کمادی
لا لئے کھیت کھیت وچّ کونئیں
کھنڈ دیاں ڈلیاں نکلن دھو نئیں
کھانڈ بناؤندے سبھ تاں جی
آوے وطن پیارا چیتے، جد کھچّ پاؤن محبتاں جی

پھیر مینوں چکّ دا سیکشن دے گے
جگو رامن جاندے بیگے
سوہنے مرزے ورگے لاڑے
ببر مار سنگیناں پاڑے
چڑھ کے چکّ نوں جانا سی
پُلسیاں ورگی برجس میرا خاکی بانا سی

جاں میں آؤندے ویکھے جم جیہے
میرے اُکھڑے پھردے دم جیہے
دوروں ویکھ میں دے گیا تیڑاں
میریاں پیندیاں جان پدیڑاں
اڈدی جاندی گبّ تاں جی
آوے وطن پیارا چیتے، جد کھچّ پاؤن محبتاں جی

سیتو، بشن پُرے، سکھ چین اے
ایدھر مرگ زیادہ رہن اے
مچھدے پھردے ہاڑی ساؤنی
ہیریاں ہرناں جیہاں دی چھاؤنی
ہے وچّ کُھلھیاں روہیاں دے
وڑن نہ دین شکاری، باراں پنڈ بشنوئیاں دے

تہُنے، رائیکے، ماہوآنے
بادل، کھڈیاں، ابُل کُھرانے
کلّ سردار نواباں ورگے
کوٹھے نرمیاں دے نال بھر گے
ان پر راضی ربّ تاں جی
آوے وطن پیارا چیتے، جد کھچّ پاؤن محبتاں جی

بیٹھا باجک، لمبی، سہجاں
جنگھیرانے لے لیاں موجاں
جھمبا، گدڑواہا تے چگھے
بابو رجب علی حوص گئے اُگھے
میلے ویکھ بٹھنڈے جی
کھاڑے فتح، عزیز لگاؤندے، جیسے ٹیکن بنڈے جی

سن جگمیل، بسنت پیاریو
پر جند ربّ دے ناں تے واریو
پیندا ستا جاگ نصیبہ
جاندا قسمت دے نال بیبا
جنم امولک لبھّ تاں جی
آوے وطن پیارا چیتے، جد کھچّ پاؤن محبتاں جی