درد پنجابی بولی دا

سولھاں اکھرا چھند

کھنڈ توں مٹھی بولی، پیارے وطن پنجاب دی
مکھ 'چوں لپٹاں مارن، جیسے عطر گلاب دی
ہور ستاؤن زباناں، اکھوں جل بھر ڈوہلی دا
کردے نہ ہمدردو، درد پنجابی بولی دا

جندیاں کھانیں پشتو، وسدی دیس پٹھاناں دے
ایہہ آ کے پِڑ نہاتی، شاستر وید پُراناں دے
تے گھر بارن نالوں، قدر ودھا 'تا گولی دا
کردے نہ ہمدردو، درد پنجابی بولی دا

میں اگے اک نوں روواں، اٹھدی دلوں کہار سی
پھر پشتو دی آگی، ہور ہمیتن فارسی
میں بھلی مانس بھولی، چلدا حکم جرولی دا
کردے نہ ہمدردو، درد پنجابی بولی دا

پھر نقصان اٹھایا، اردو گھر جم ویری توں
ٹٹّ پینے نے کڈھ 'تی، باہوں پکڑ کچہری چوں
ان پُجّ کی کر سکدی ؟ زہر بتھیرا گھولی دا
کردے نہ ہمدردو، درد پنجابی بولی دا

تے انگلینڈ گھنڈ لاہ، آ انگریزی نچلی جھی
رنگ گورا، اکھ قہری، سخت بُلارا، گھچلی جھی
ہتھ لگیاں پتہ لگیا، کرڑ لپھیڑا پولی دا
کردے نہ ہمدردو، درد پنجابی بولی دا

اب ہندی دی پُگدی، بات مجاجن سونکن دی
میں چپّ کیتی پھردی، اسدی عادت بھونکن دی
بُرڑھی، پئے دند نکلے، ایہہ نہ وقت گھڑولی دا
کردے نہ ہمدردو، درد پنجابی بولی دا

تکڑے رہو پنجابیؤ، کیہڑا چھڈدا نویاں توں
چِر دی پھوکی ہوئی مری، اٹھا لی سویاں توں
اٹھ نوں صوبے نگلھے، ڈھڈّ نہ بھرے بھڑولی دا
کردے نہ ہمدردو، درد پنجابی بولی دا

سونہدے مرد مقامی، کی گلّ سمجھن لوکل جی
میرے نال موگے پڑھیا، سُود سلہینیوں گوکل جی
'بابو' رنیؤں اندر تے سنتوکھ ڈرولی دا
کردے نہ ہمدردو، درد پنجابی بولی دا