ماں دے مکھنی کھانیوں

دوہڑا
اٹھ گھنٹے کلّ کم کرو، کردے جیوں مزدور
کم کر دوجے کنٹری، ہو گئے مشہور

(بہتر کلا چھند)
سؤں گئے تان چادرے وے
سنت جگمیل، مکھن گورمیل
گرم کپ چاہ پی، اٹھو مار تھاپی
کرو ہرناڑی، پرانی پھڑکے
ٹیم چار وجے دا وے
لوو ناں ربّ دا، بھلا ہو سبھ دا
بڑا کم نبڑے، پہر دے تڑکے
اکھ پٹّ کے ویکھ لؤ وے، چڑھ گیا تارہ
کِتے کم بھارا، اٹھو ہل جوڑو، کھیت ولّ موڑو
محل 'چوں نکل، انگن وچّ کھڑ گئی
ماں دے مکھنی کھانیوں وے
سورمیوں پترو، چباریوں اُترو
پھرکدے بازو، جوانی چڑھ گئی
e
رہے مار پھنکارے وے
بلد دو تکڑے، جوڑ لؤ چھکڑے
چؤو جو تیز سبل، رگڑ دیؤ کھبل
ریتلے ٹیلے، ڈیگ دیو دھوڑے
کٹّ بنجر زمیناں نوں
کرڑ جیہی دھرتی، کھاد نال بھرتی
شکر وانگ بھور، توڑ دیو روڑے
پھر پھیر کراہے وے
ہلاں رکھ مدھرے، بنا دیو پدھرے
کر دیو رونی، جدوں وتّ آؤنی
دو کو وار واہ کے، چٹیائی پھڑ گئی
ماں دے مکھنی کھانیوں وے
سورمیوں پترو، چباریوں اترو
پھرکدے بازو، جوانی چڑھ گئی

خالی انچ چھوڑدے نہ
ملک جو سردے، بڑا کم کردے
لوہے نوں کٹدے، نرم ہتھ پھٹدے
میسولینی صدر، پاڑدا لکڑاں
منڈے بھرے مزاجاں دے، رہین نِت ویہلے
دیکھدے میلے، ستھاں وچّ بیٹھ، ماردے جکڑاں
نہیں وقت شوقینی دا
رہو اگانھ سادے، جویں پیو دادے
بدل دیو چال، کال تے کال
گھریں دھسّ دے کے، غریبی وڑ گئی
ماں دے مکھنی کھانیوں وے
سورمیوں پترو، چباریوں اترو
پھرکدے بازو، جوانی چڑھ گئی

دریا دے کنارے تے
جھاڑیاں ساڑ، پھوک سلواڑھ
جتھے کھڑی پِلسی، کری کیوں ڈِھلّ سی ؟
دبھاں نوں کُھرل، مڈھوں جڑ کڈھیو
گلّ بہت بریتی میں
دیہو بی گیر، لگن گے ڈھیر
نرم بھئیں مٹر، چرالاں گڈیو
گیاراں باراں صوبیاں میں
جتھےجتھے تھوڑاں، کڈھ دیؤ بوڑاں
بوریاں بھر دیو، بلٹیاں کر دیو
جنہاں دی فصل ہڑھاں وچّ ہڑ گئی
ماں دے مکھنی کھانیوں وے
سورمیوں پترو، چباریوں اترو
پھرکدے بازو، جوانی چڑھ گئی

گورے بڑے محنتی وے
ٹبے جیہے ڈھاہ لے، نویں کڈھے کھالے
جان کارخانیں، یاد آ جے نانی
باراں باراں گھنٹے ڈیوٹیاں لگیاں
ننگے سیس دوپہرے وے
بوٹ جے کرڑے، ریہن پبّ نرڑے
نیکراں خاکی، زین دیاں جھگیاں
آلو نرے اُبالن وے
لگے بھکھ چارو، پین چاہ مارو
بڑی پوے گرمی، ملے سکھ کرمیں
ہیٹ لین دھپّ توں، ٹوٹنی سڑ گئی
ماں دے مکھنی کھانیوں وے
سورمیوں پترو، چباریوں اترو
پھرکدے بازو، جوانی چڑھ گئی

فرانس امریکہ میں
کھڑے پھلّ چُندے، وسکیاں پُندے
سروں لاہ ٹوپاں، گھڑی جان توپاں
'بابو' بمب، ٹینک، بندیاں جیپاں
ایتھے مدتاں گزر گئیاں وے
وِنگے ہل اوہو، پنجالی ٹوہو
پٹھیاں دا توڑا، بلداں نوں کی پاں ؟
تھوڑا جھاڑ دیسناں دا
لوو بی ہور، ٹیوب ویلّ بور
سوار کے واہن، بیجو کلیان
اکو اک کلیوں، سو کو من جھڑ گئی
ماں دے مکھنی کھانیوں وے
سورمیوں پترو، چباریوں اترو
پھرکدے بازو، جوانی چڑھ گئی