پنجابی بولی

بہہ جو پاؤنا شور ماڑا، لے جلاب نہاؤن ماڑا
مٹھڑی زبان راگ، ودھیا الاپدی
سوگ وچّ گاؤن ماڑا، ویر نوں ودھاؤن ماڑا
رکھنا لحاظ، گلّ کرنی ملاپ دی
دکھی نوں دکھاؤن ماڑا، ماڑیاں نوں ڈھاؤن ماڑا
دوئے دی شرم نوں شرم جان آپ دی
'بابو جی' پنجابی پھرے سکھدا زباناں ہور
ویر جی پنجابی بولی، تیرے ماں تے باپ دی

بینگلو بنگالی بولے، پشتو پٹھان بولے
آپ دی زبان 'چ، کتاب لوکی چھاپدی
ہندی، عربی تے تیجی فارسی رلا کے نال
ایس وجہ اردو زبان پئی جاپدی
گھچلی جھی بولی چھڈّ، چلے گئے ولیت گورے
چڑھی 'وی زہر تینوں، انگریزی سانپ دی
'بابو جی' پنجابی پھرے سکھدا زباناں ہور
ویر جی پنجابی بولی، تیرے ماں تے باپ دی

کوٹ سی بناؤنا پھرے، نیکراں دا میچ لیندا
لیاؤنی شلوار تے قمیض لیندا پھرے ناپ دی
ہویا ادھ رنگ وید کھنگھ دی دوائی کرے
پیٹ دی درد نوں، کرو کی گولی تاپ دی
مادری زبان چھڈّ، غیراں دے مگر لگا
ایدوں ودھ بےوقوف کیہڑی گلّ پاپ دی
'بابو جی' پنجابی پھرے سکھدا زباناں ہور
ویر جی پنجابی بولی، تیرے ماں تے باپ دی

ڈھول گجّ پاوے، مٹھی ترری دی آواز ہندی
ریل چیکاں ماردی، ڈراؤنی آواز بھاف دی
ہنکے وچھیرا، شیر ببر چنگھیاڑے
ہور میمنی دے نال، 'واز رلے نہ گڑھاپ دی
کوئل کوُ کوُ، کرے سدا، اپنی زبان وچوں
بلبل اپنی زبان کرلاپ دی
'بابو جی' پنجابی پھرے سکھدا زباناں ہور
ویر جی پنجابی بولی، تیرے ماں تے باپ دی