ربّ کوئی چیز نہ لکوئی ہند توں

دوہڑا

نام دھیا دو جوڑ کے(کر)، داس نواوے سیس
بہے سرستی جیبھ تے، مالک دی بخشیش

منوہر بھوانی چھند

سی سُرستی دا زور، آ گئی نشے جھے دی لور
سن پاؤنگے منوہر، دا سروتے ملّ جی
کھڑ گئی عقل جیوں کھڑن پھلّ جی

برف سفید گالے، آبشار، ندی، نالے
گرے اچے کوہ ہمالے، پربت بلند توں
ربّ کوئی چیز نہ لکوئی ہند توں

کشمیر دے نظارے، آؤندے سرگ ہلارے
سوہندے ڈلّ دے کنارے، تے چنار رنگلے
پانی وچ تردے پھرن بنگلے

اچے انڈیا دے شان، سارے ہرے بھرے واہن
کتے چوڑے نہ میدان، جھے گنگا تے سندھ توں
ربّ کوئی چیز نہ لکوئی ہند توں

کدے لوہے کڈھ لیاؤنے، ڈھیر چاندی دے نہ میونے
بڑی بھاری کان سیونے دی میسور وچّ ہے
توپ بنے اڈن کھٹولے ٹچّ ہے

لیا کے کوہ نور گھر، جڑیا ہیرا تاج پر
چمکارے مارے در، جودھن، نرند توں
ربّ کوئی چیز نہ لکوئی ہند توں

پتّ سیانے نہ لٹر، دہی بھلے کھا کھٹر
آلو، مٹر، ٹماٹر، تے پھلّ گوبھیاں
مِشری پا مکھنی چٹاؤن بوبیاں

ہیٹھ نوار دے پلنگھ، دودھ پتّ لگے رنگ
ودھ نچدے ترنگ اپنی پسند توں
ربّ کوئی چیز نہ لکوئی ہند توں

گیا چھڑک جل مہرا، چھاویں کٹدے دوپہرا
ایس جاء سکھاں دا پہرہ، دکھ کھڑے پاس نہ
آؤندی پھلواڑیوں پھلاں دی واشنا

دھنّ ایہناں دے جرم ! ہووے دواریاں تے دھرم
جانیاں انکھ شرم، نوں پیارا جند توں
ربّ کوئی چیز نہ لکوئی ہند توں

کٹھے پتی جیٹھ دیور، پاؤن ریشماں دے تیور
میون ڈبیاں نہ زیور، بھین بھرجائیاں دے
ڈوماں نوں گھڑیک، مجھاں ملن نائیاں دے

سوہنی فصل کھڑوتی، ٹکے سیؤ تے امب طوطی
چگے مکدے نہ موتی، ہنس پرند توں
ربّ کوئی چیز نہ لکوئی ہند توں

بھارے کنکاں دے بوہل، تے کپاہ نوں لگے تول
کھنڈ بنے رس ڈولھ، لوہے دے کڑاہیاں چے
تنّ میل، لوکاں نوں چھکاؤندے ساہیاں 'چے

پہلاں راکشاں نے لٹے، پھیر مغلاں نے کٹے
اب مساں کھیہڑے چُھٹے، انگریز رند توں
ربّ کوئی چیز نہ لکوئی ہند توں

رام کرشن اؤتار، لاہ گئے پاپیاں دے بھار
داس دی نمسکار، اوہناں دی جناب نوں
دساں گروآں نے تارتا پنجاب نوں

بابو لین موج موجی، پی کے امرت سو جی
بنیں سکھ قوم فوجی، سری گورو گوبند توں
ربّ کوئی چیز نہ لکوئی ہند توں