نظراں دا جام آوے، پیار دا انعام آوے
عاشقاں دی عید ہووے، یار دا پیام آوے
صدیاں دا پندھ مُکّے، ہجراں دی کندھ مُکّے
وصلاں دے دن ہون، سدھراں دی جنج ڈھکے
آ کے نہ جائے جیہڑی، خوشیاں دی شام آوے
پیار دی سویر ہووے، عشقے دی مہر ہووے
دنیا محبتاں دی، رج کے دلیر ہووے
ساڈیاں وفاواں نوں، بہاراں دا سلام آوے
چاننی ناں چن ہووے، پیار والا دھن ہووے
ساہ نال ساہ ساڈا، اکو تن من ہووے
ہتھ وچ ساڈے سوہنے، ویلے دی لگام آوے
بُھل کے نہ دور ہویئے، چاہواں چ ضرور ہویئے
ہاسیاں دی رُت ہووے، ہس ہس چور ہویئے
ساڈیاں محبتاں دی بُھل کے نہ شام آوے
حوالہ: عشق دا ورقہ پھول، گلشن ادب پبلی کیشنز لاہور؛ صفحہ 80 ( ویکھو )
