چین دا کچ ہووے
دنیا تے جنگ مُک گئی
تسیں آکھو سچ ہووے
۔۔۔
موڈھے اتے سُٹ پرنا
اُکھلی چ سِر دے کے
پچھوں دھمکاں توں کیہ ڈرنا
۔۔۔
سونے دی ونگ ماہیا
امن ونجا کے تے
کاہنوں کرنا ایں جنگ ماہیا
۔۔۔
چاول پئے سُکدے
پینڈے عمراں دے
ورھیاں وچ نہیں مُکدے
۔۔۔
سونے دی نتھ ماہیا
عزت غریباں دی
وڈیاں دے ہتھ ماہیا
۔۔۔
مِصری رُل ہو گئی
روس دے وکھرن تے
امریکا نوں کُھل ہو گئی
۔۔۔
مِٹھڑی کھنڈ ماہیا
مطلب نکلن تے
سانوں کر گئیوں کنڈ ماہیا
۔۔۔
وہسکی پی لاں گے
تیرے باجھوں وے ماہیا
اسیں کلیاں جی لاں گے
