کیتی میں تقصیر وی کوئی نہیں

کیتی میں تقصیر وی کوئی نہیں
کرنا کی تدبیر وی کوئی نہیں

جا وی نہیں میں سکدی کدھرے
پیراں وچ زنجیر وی کوئی نہیں

وچھڑیاں نوں موڑ لیاوے
ہوکیاں وچ تاثیر وی کوئی نہیں

دِسدا نہیں کوئی رانجھا جوگی
مان متی اج ہیر وی کوئی نہیں

اکھاں انج دے سُفنے ویکھے
جنہاں دی تعبیر وی کوئی نہیں

ڈبی بیڑی بنّے لاوے
لبھدا پیر فقیر وی کوئی نہیں

لوکی خورے کی پڑھدے نیں
کیتا کجھ تحریر وی کوئی نہیں

دل وی لگدا نہیں بیاء دا
اِنج ایڈی دلگیر وی کوئی نہیں

حوالہ: اپنے توں ڈر لگدا ( ویکھو )