ہُن کِس تھیں آپ چُھپائی دا کِتے سُنت فرض دسیندے ہو، کِتے مُلّاں بانگ بولیندے ہُو کِتے رام دہائی دیندے ہُو، کِتے متھّے تِلک لگائی دا کِتے چور ہو، کدھرے قاضی ہو، کِتے منبر تے بہ وعظی ہو کِتے تیغ بہادر غازی ہو، آپے پر کٹک چڑھائی دا تُسیں سبھنیں بھیسیں تھیندے ہُو، مدھ آپے، آپے پِیندے ہُو مَینوں ہر جا تُسیں دسیندے ہو، آپے کو آپ چُکائی دا جو ڈھونڈ تساڈی کردا ہے، مویاں توں اگّے مردا ہے مویاں بھی تیتھوں ڈر دا ہے، مت مویاں موڑ مُکائی دا میں میری ہے یا تیری ہے، ایہ انت بھسم دی ڈھیری ہے ایہ ڈھیری پیا نے گھیری ہے، ڈھیری نوں ناچ نچائی دا بُلھا، میں شوہ ول مائل ہاں، جھب کرو عنایت سائل ہاں ایہ سائل کیہ؟ میں گھائل ہاں، گھائل توں آپ چُھپائی دا؟ ہُن کِس تھیں آپ چُھپائی دا
