اِک رانجھا مینُوں لوڑِیدا
کُن فیکُونوں اَگے دِیاں لگِیاں، نیونہہ نہ لگڑا چوری دا
آپ چِھڑ جاندا نال مَجِّھیں دے، سانوں کیوں بیلیوں ہوڑِھیدا
رانجھے جیہا مینُوں ہور نہ کوئی، مِنتاں کَرکَر موڑِیدا
مان والیاں دے نین سلونے، سُوہا ڈوپٹّہ گوری دا
اَحد احمد وچ فرق نہ بُلّھیاؔ، اِک رتّی بھیت مروڑی دا
اِک رانجھا مینُوں لوڑِیدا
حوالہ: آکھیا بلھے شاہ نے؛ محمد آصف خان؛ پاکستان پنجابی ادبی بورڈ لاہور؛ صفحہ 74 ( ویکھو )
