کتّ کُڑے، نہ وتّ کُڑے کتّ کُڑے، نہ وتّ کُڑے لاہ چھلی، بھروٹے گھت کُڑے ماں پیو تیرے گنڈھیں پایاں اجے نہ تینوں سُرتاں آیاں دن تھوڑے تے چا مُکایاں نہ آسیں پیکے وت کُڑے کتّ کُڑے، نہ وتّ کُڑے جے داج وہونی جاویں گی تاں کِسے بھلی نہ بھاویں گی توں شوہ نوں کویں رجھاویں گی کُجھ لے فقراں دی متّ کُڑے کتّ کُڑے، نہ وتّ کُڑے تیرے نال دیاں داج رنگائے نی اونھاں سُوہے سالو پائےنی توں پیر اُلٹے کیوں چائے نی جا اوتھے لگسی تت کُڑے کتّ کُڑے، نہ وتّ کُڑے شوہ بُلھیا، گھر اپنے آوے چُوڑا بیڑا تدے سہاوے گُن ہوسی تاں گلے لگاوے نہیں روسَیں نینیں رتّ کُڑے کتّ کُڑے، نہ وتّ کُڑے لاہ چھلی، بھروٹے گھتّ کُڑے
