................Qissa Heer Ranjha..................
1
ਉਲ ਨਾਮ ਸਾਹਿਬ ਦਾ ਲੀਏ , ਜਣ ਇਹ ਜਗਤ ਉਪਾਇਆ
ਜ਼ਿਮੀਂ ਅਸਮਾਨ ਫ਼ਲਕ ਦਰਸੀਤੀ , ਕੁਦਰਤ ਨਾਲ਼ ਟਿਕਾਇਆ
ਦੂਰ ਕਮਰ ਖ਼ੋਰਸ਼ੀਦੋ ਸੀਤੇ, ਕਿ ਹਰ ਜਾ ਇਕੋ ਸਾਇਆ
ਨਾਉਂ ਦਮੋਦਰ ਜ਼ਾਤ ਗਲਹਾਟੀ , ਮੈਂ ਇਹ ਕਿੱਸਾ ਚਾਇਆ
2
ਵੱਡਾ ਰਾਠ ਜ਼ਿਮੀਂ ਦਾ ਖ਼ਾਵੰਦ , ਕੇਹੀ ਸਿਫ਼ਤ ਅਖਾਈਂ
ਅਕਬਰ ਨਾਲ਼ ਕਰੇਂਦਾ ਦਾਵੇ , ਭੋਈਂ ਨਈਂ ਦਾ ਸਾਈਂ
ਸੁਣਾ, ਰੀਆ , ਮਾਲ , ਖ਼ਜ਼ੀਨਾ, ਢੱਕਣ ਸੁੱਤੇ ਪਾਹੀਂ
ਚਾਰੋਂ ਬੇਟੇ ਚੜ੍ਹੇ ਚੜ੍ਹੀਂਦੇ , ਗਿਣ ਗਿਣ ਨਾਉਂ ਸੁਣਾਈਂ
ਵਾਹ ਦਮੋਦਰ ਜਾਵਣ ਵਾਲੀ, ਰੂਪ ਦਿੱਤੂ ਈ ਸਾਈਂ
3
ਵੇਖੋ ਕੁਦਰਤ ਕਾਦਰ ਵਾਲੀ , ਡਾਢੇ ਰੱਬ ਕੀ ਭਾਈ
ਹੋਇਆ ਹੁਕਮ ਹਜ਼ੂਰੋਂ ਕੋਈ, ਆਪੇ ਬਾਜ਼ੀ ਪਾਈ
ਆਖ ਦਮੋਦਰ ਖਾਣ ਇਸ਼ਕ ਦੀ ਘਰ ਚੋਚਕਾਨੇ ਲਾਈ
4
ਘਰ ਚੂਚਕ ਦੇ ਬੇਟੀ ਜੰਮੀ, ਹੋਈਆਂ ਜੱਗ ਵਧਾਈਆਂ
ਨ੍ਹਾਤੀ ਧੋਤੀ ਪੱਟ ਵਲ੍ਹੇਟੀ , ਕੁੱਛੜ ਕੀਤੀ ਦਾਈਆਂ
ਦੋ ਵਰ੍ਹਿਆਂ ਦੀ ਛੋਹਰ ਹੋਈ, ਢਕ ਰਹੀਆਂ ਕੁੜਮਾਈਆਂ
ਚੁੰਨ੍ਹਾ ਵਰ੍ਹਿਆਂ ਦੀ ਛੋਹਰ ਹੋਈ , ਗੱਲਾਂ ਕਰੇ ਸਚਿਆਈਆਂ
5
ਛੇਆਂ ਵਰ੍ਹਿਆਂ ਦੀ ਛੋਹਰ ਹੋਈ , ਤਾਂ ਲੱਗੀ ਕਰਨ ਭਲਿਆਈਆਂ
ਅੱਠਾਂ ਵਰ੍ਹਿਆਂ ਦੀ ਛੋਹਰ ਹੋਈ ਤਾਂ ਦਰ ਦਰ ਕੂਕਾਂ ਪਾਈਆਂ
ਵਸਾਂ ਵਰ੍ਹਿਆਂ ਦੀ ਛੋਹਰ ਹੋਈ ਚਾਰੇ ਬਈਂ ਨਿਵਾਈਆਂ
ਬਾਰਾਂ ਵਰ੍ਹਿਆਂ ਦੀ ਛੋਹਰ ਹੋਇ , ਤਾਂ ਰਾਂਝੇ ਅੱਖੀਂ ਲਾਈਆਂ
6
ਭਾਈ ਬਾਬੇ ਮਤਾ ਪਕਾਇਆ , ਹੀਰ ਕੁੜੀ ਕਹੀਂ ਡਿਹਾਂ
ਹੱਕੇ ਤਾਂ ਦੈਜੇ ਤੋੜ ਪਠਾਣਾਂ , ਸੰਧੂਂ ਪਾਰ ਚੜ੍ਹਿਆਆਂ
ਹੱਕੇ ਦਿਵਿਆਆਂ ਅਕਬਰ ਗ਼ਾਜ਼ੀ , ਕੱਛਾਂ ਆਪ ਕਛੀਹਾਂ
ਆਖ ਦਮੋਦਰ ਜ਼ਾਤ ਗਲਹਾਟੀ , ਇਹੋ ਮਤਾ ਕਿਰਿਆਆਂ
7
ਰਲ਼ ਸਿਆਲਾਂ ਮਸਲਤ ਕੀਤੀ , ਆਖਣ ਚੂਚਕ ਤਾਈਂ
ਹੀਰ ਤੇਰੇ ਘਰ ਵੱਡੀ ਹੋਈ , ਕੀਜੇ ਸਾਕ ਕਦਾਈਂ
ਆਖ਼ਿਰ ਮਾਲ ਪਰਾਇਆ ਇਹੋ, ਰੱਖੀਆਂ ਬਣਦੀ ਨਾਹੀਂ
ਆਖ ਦਮੋਦਰ ਸਭ ਸਿਆਲਾਂ , ਇਹੋ ਗੱਲ ਸੁਣਾਈ
8
ਭਾਈ ਤੁਸਾਂ ਖ਼ਬਰ ਨਾ ਕਾਈ , ਖ਼ਤ ਖੇੜਿਆਂ ਦਾ ਆਇਆ
ਕਿਮੇਂ ਆਇ ਰੱਤੋਕੇ ਬੈਠੇ , ਕਹੀਂ ਆਦਰ ਦੇ ਨਾ ਬਹਾਇਆ
ਕਹੀਯਂ ਪੁੱਛ ਕੇ ਵਣਜ ਨਾ ਡਿੱਠਾ , ਖ਼ਤ ਨਾ ਘਣ ਪੜ੍ਹਾਇਆ
ਆਖ ਦਮੋਦਰ ਜੋ ਤੁਸਾਂ ਭਾਵੇ , ਦਿਵਸ ਨਾ ਮੈਂ ਥੇ ਆਇਆ
9
ਖ਼ਾਣਾਂ ! ਕਿਹੜੀ ਗੱਲ ਨਾ ਦੇਹਾਂ , ਇਹ ਮੁਨਾਸਬ ਨਾਹੀਂ
ਹਿੱਕ ਦਿਉਂ ਜੋਕਾ ਸਿੱਕਾ ਵੱਡਾ, ਆਵੇ ਕੰਮ ਅਸਾਹੀਂ
ਹਿਕੁ ਜਿਹੀ ਉਮਰ ਨਾ ਕਿਸੇ , ਅਵਸਰ ਹਭਸੇ ਤਾਈਂ
ਕਹੇ ਦਮੋਦਰ ਢਿੱਲ ਨਾ ਕੀਜੇ , ਬਣੇ ਤਹੱਮੁਲ ਨਾਹੀਂ
10
ਅੰਦਰ ਖ਼ਾਨੇ ਰਾਜ਼ੀ ਹਭਾ, ਇਹੋ ਮਤੇ ਪਕਾਏ
ਆਇਆ ਖ਼ਾਨ , ਸੱਥ ਵਿਚ ਬੈਠਾ, ਵੱਡੇ ਰੌਹ ਅਲਾਏ
ਬਾਹਮਣ ਸੱਦ ਸੋਨਪਾਏ ਬਾਹਮਣ , ਖ਼ਿਦਮਤ ਬਹੁੰ ਕਰਾਏ
ਆਖ ਦਮੋਦਰ ਡੂਮਾਂ ਤਾਈਂ , ਘਰ ਮਜਮਾਨ ਬਣਾਏ
